വാഹനം ഒട്ടകവുമായി കൂട്ടിയിടിച്ച് തിരുവനന്തപുരം സ്വദേശി ഹായിലില്‍ മരിച്ചു. തിരുവനന്തപുരം ചെറിയതുറ സ്വദേശിയും സൗദി അറേബ്യയിലെ ഹായിലിലെ ഖുബൂസ് കമ്പനി ജീവനക്കാരനുമായ വിനോജ് ഗില്‍ബെര്‍ട്ട് ജോണ്‍(42) ആണ് മരിച്ചത്. കഴിഞ്ഞ ദിവസം ഹായില്‍ റോദ റോഡില്‍ രാത്രിയാണ് സംഭവം. ഇന്ത്യന്‍ സോഷ്യല്‍ ഫോറം റിയാദ്, കേരള സ്റ്റേറ്റ് വെല്‍ഫെയര്‍ കോര്‍ഡിനേറ്റര്‍ അസീസ് പയ്യന്നൂരിന്റെ നേതൃത്വത്തില്‍ സോഷ്യല്‍ ഫോറം ഹായില്‍ ബ്ലോക്ക് പ്രസിഡന്റ് അബ്ദുല്‍ റൗഫ് ഇരിട്ടി, ഹായിലിലെ സാമൂഹ്യ പ്രവര്‍ത്തകനായ ചാന്‍സ് റഹ്മാന്‍ എന്നിവര്‍ മൃതദേഹം നാട്ടില്‍ അയക്കാനുള്ള നടപടി ക്രമങ്ങളുമായി രംഗത്തുണ്ട്.
ഭാര്യ ഫെബി വിനോജ്, മകള്‍ സോജ് മേരി വിനോജ്.
