ദുബായ്: സൗദി അറേബ്യയുടെ വിദേശകാര്യ മന്ത്രി ഫൈസൽ ബിൻ ഫർഹാൻ രാജകുമാരൻ ഫിലിപ്പീൻസ് പ്രസിഡന്റ് ഫെർഡിനാൻഡ് മാർക്കോസ് ജൂനിയറുമായി മനിലയിൽ കൂടിക്കാഴ്ച നടത്തിയതായി സൗദി പ്രസ് ഏജൻസി (എസ്പിഎ) വ്യാഴാഴ്ച റിപ്പോർട്ട് ചെയ്തു.
ഇരുരാജ്യങ്ങളും തമ്മിലുള്ള ഉഭയകക്ഷി ബന്ധങ്ങളെക്കുറിച്ചും സൗഹൃദബന്ധങ്ങളെക്കുറിച്ചും വിവിധ മേഖലകളിലെ സംയുക്ത സഹകരണത്തെക്കുറിച്ചും ഇരുവരും ചർച്ച ചെയ്തതായി എസ്പിഎ അറിയിച്ചു.
സൽമാൻ രാജാവിന്റെയും കിരീടാവകാശി മുഹമ്മദ് ബിൻ സൽമാൻ രാജകുമാരന്റെയും ആശംസകൾ ഫൈസൽ രാജകുമാരൻ ഫിലിപ്പീൻസ് പ്രസിഡന്റിനെ അറിയിച്ചു.
ഫിലിപ്പീൻസിലെ സൗദി അംബാസഡർ ഹിഷാം അൽ ഖഹ്താനി, വിദേശകാര്യ മന്ത്രി ഓഫീസ് ഡയറക്ടർ ജനറൽ അബ്ദുൾറഹ്മാൻ അൽ ദാവൂദ് എന്നിവരും സ്വീകരണത്തിൽ പങ്കെടുത്തു.
