ജിദ്ദ – ശനിയാഴ്ച മുതൽ തിങ്കളാഴ്ച വരെ വടക്കൻ പ്രദേശങ്ങളായ തബൂക്ക്, അൽ-ജൗഫ്, വടക്കൻ അതിർത്തികൾ, ഹായിൽ എന്നിവിടങ്ങളിൽ താപനിലയിൽ കുറവുണ്ടാകുമെന്ന് നാഷണൽ സെന്റർ ഓഫ് മെറ്റീരിയോളജി (എൻസിഎം) അറിയിച്ചു. ഈ പ്രദേശങ്ങളിലെ താപനില 6-10 ഡിഗ്രി സെൽഷ്യസ് ആയിരിക്കുമെന്നാണ് എൻസിഎമ്മിന്റെ പ്രവചനം.
സാധാരണയായി വസന്തകാലത്ത് സജീവമായ പൊടിക്കാറ്റ് കുറയുന്നതിന് പുറമേ സ്ഥിരമായ മഴയും ഈ വർഷത്തെ വസന്തകാലത്തിന്റെ സവിശേഷതയാണെന്ന് എൻസിഎം പ്രസ്താവനയിലൂടെ വ്യക്തമാക്കി.
കിഴക്കൻ പ്രവിശ്യയിലും ചെങ്കടലിന്റെ തീരപ്രദേശങ്ങളിലും താപനില ക്രമാനുഗതമായി വർദ്ധിക്കുന്നതോടെ ഒരു മാസത്തിന് ശേഷം വേനൽക്കാലം വരുമെന്നും NCM സൂചിപ്പിക്കുന്നു.
