റിയാദ്: മാസ്റ്റർ കാർഡുമായി കൈകോർത്ത് റിയാദ് എയർ. യാത്രക്കാർക്ക് ഡിജിറ്റൽ പേയ്മെന്റ് സംവിധാനമടക്കമുള്ള സൗകര്യങ്ങൾ നൽകാനായാണ് റിയാദ് എയർ മാസ്റ്റർ കാർഡുമായി കൈകോർത്തത്. ഉപഭോക്തൃ പേയ്മെന്റ്, വിമാനത്താവള സേവനങ്ങൾ, ബിസിനസ് പേയ്മെന്റ് പരിഹാരങ്ങൾ തുടങ്ങിയവയാണ് ഈ പങ്കാളിത്തത്തിൽ ഉൾപ്പെടുക.
സൗദി നിവാസികൾക്കായി 2026 അവസാനത്തോടെ റിയാദ് എയർ കോ-ബ്രാൻഡഡ് മാസ്റ്റർകാർഡ് ക്രെഡിറ്റ്, പ്രീപെയ്ഡ് കാർഡുകൾ അവതരിപ്പിക്കും. ഫ്ളൈറ്റ് ടിക്കറ്റ്, അപ്ഗ്രേഡുകൾ, റിവാർഡുകൾ എന്നിവ നേടാൻ ഇവ സഹായിക്കും. കാർഡ് മാനേജ്മെന്റ്, ആപ്ലിക്കേഷൻ, ആക്ടിവേഷൻ, റിവാർഡ് ട്രാക്കിങ് എന്നിവ റിയാദ് എയർ മൊബൈൽ ആപ്ലിക്കേഷനിലൂടെയാണ് സാധ്യമാകുക.
