ജുബൈൽ: തമിഴ്നാട് തഞ്ചാവൂർ സ്വദേശി മുഹമ്മദ് ജമാൽ മുഹമ്മദ് (61) ജുബൈലിൽ നിര്യാതനായി. ജുബൈലിലെ റഹ്മാനിയ ഹോട്ടലിന് സമീപമുള്ള ബാർബർ ഷോപ്പിൽ ജീവനക്കാരനായിരുന്നു. ജോലിക്കിടെ കുഴഞ്ഞുവീഴുകയായിരുന്നു. ജുബൈൽ ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
കഴിഞ്ഞ 25 വർഷമായി സൗദി അറേബ്യയിലുള്ള ജമാൽ, നാല് മാസം മുമ്പാണ് അവധി കഴിഞ്ഞ് നാട്ടിൽ നിന്നും തിരിച്ചെത്തിയത്. ഭാര്യയും മൂന്ന് മക്കളുമുണ്ട്.
