റിയാദ്: സൗദിയിൽ വാഹനാപകടത്തിൽ മലയാളി യുവതി മരിച്ചു. വയനാട് വൈത്തിരി സ്വദേശി ഹിദ നൗറിൻ (23) ആണ് മരിച്ചത്. ദമാം-റിയാദ് ഹൈവേയിൽ ഉമ്മുൽ അറാറിലാണ് അപകടം സംഭവിച്ചത്. ഭർത്താവ് യാസീനുമൊന്നിച്ച് റിയാദിലുള്ള മാതാപിതാക്കളുടെ അടുത്തേക്ക് പോകുന്നതിനിടെയായിരുന്നു അപകടം. ഒരാഴ്ച്ച മുൻപാണ് ഇരുവരുടെയും വിവാഹം കഴിഞ്ഞത്.
ഹിദയുടെ ഭർത്താവ് യാസീനെ പരിക്കുകളോടെ ആശുപത്രിയിൽ പ്രവേശിപ്പിച്ചു. അപകട സ്ഥലത്ത് വെച്ച് തന്നെ ഹിദ നൗറിൻ മരണപ്പെടുകയായിരുന്നു. ഹിദയുടെ മൃതദേഹം നടപടികൾ പൂർത്തിയാക്കി സൗദിയിൽ ഖബറടക്കുമെന്ന് ബന്ധുക്കൾ അറിയിച്ചു.
