റിയാദ്: മിസൈലുകൾ, ഡ്രോണുകൾ, എന്നിവ പതിക്കുന്ന സ്ഥലങ്ങളുടെ ചിത്രങ്ങളോ വീഡിയോകളോ പകർത്തുന്നതിനെതിരെ കർശന മുന്നറിയിപ്പുമായി സൗദി ആഭ്യന്തര മന്ത്രാലയം. മിസൈലാക്രമണങ്ങളുമായി ബന്ധപ്പെട്ട ദൃശ്യങ്ങൾ പകർത്തുന്നതും അവ പ്രസിദ്ധീകരിക്കുന്നതും ശിക്ഷാർഹമായ കുറ്റമാണെന്ന് മന്ത്രാലയം അറിയിച്ചു. ഇത്തരം ദൃശ്യങ്ങൾ പ്രചരിപ്പിക്കുന്നത് സുരക്ഷാ വെല്ലുവിളികൾക്ക് കാരണമാകുമെന്നതിനാലാണ് അധികൃതർ കർശന മുന്നറിയിപ്പ് നൽകിയിരിക്കുന്നത്.
സുരക്ഷ മുൻകരുതലിന്റെ ഭാഗമായാണ് നിർദ്ദേശം. നിയമലംഘനം നടത്തുന്നവർക്കെതിരെ വിട്ടുവീഴ്ച്ചയില്ലാത്ത നടപടി സ്വീകരിക്കുമെന്നും അധികൃതർ കൂട്ടിച്ചേർത്തു.
