റിയാദ്: റോയൽ റിസർവ് മേഖലകളിൽ മാലിന്യം തള്ളുന്നവർക്കെതിരെ കർശന നടപടി സ്വകരിക്കുമെന്ന് സൗദി അറേബ്യ. ഇമാം അബ്ദുൽ അസീസ് ബിൻ മുഹമ്മദ് റോയൽ റിസർവ്, കിങ് ഖാലിദ് റോയൽ റിസർവ് എന്നിവിടങ്ങളിൽ മാലിന്യം തള്ളുന്നതിനെതിരെ നിയന്ത്രണങ്ങൾ കടുപ്പിച്ചിരിക്കുകയാണ് അധികൃതർ. പരിസ്ഥിതി നിയമങ്ങൾ ലംഘിക്കുന്നവരെ കണ്ടെത്താൻ പ്രത്യേക നിരീക്ഷണ സംഘങ്ങൾ പരിശോധന ശക്തമാക്കിയതായി റോയൽ റിസർവ് ഡെവലപ്മെന്റ് അതോറിറ്റി വ്യക്തമാക്കി.
പ്രകൃതിദത്ത മേഖലകളിൽ മാലിന്യം തള്ളുന്നത് സസ്യജാലങ്ങളെയും വന്യജീവികളെയും ദോഷകരമായി ബാധിക്കുമെന്നും പ്രകൃതി ഭംഗി നശിപ്പിക്കുമെന്നും അതോറിറ്റി ചൂണ്ടിക്കാട്ടി. നിയമലംഘകർക്കെതിരെ നിയമാനുസൃതമായ ശിക്ഷാ നടപടികൾ സ്വീകരിക്കുമെന്ന് അധികൃതർ കൂട്ടിച്ചേർത്തു.
