ജിദ്ദ: മക്ക പ്രവിശ്യയിലെ ജിദ്ദ ഗവർണറേറ്റിലെ കോടതികളിൽ പരിശോധന നടത്തി സൗദി നിയമ മന്ത്രി വാലിദ് അൽ സമാനി. എൻഫോഴ്സ്മെന്റ് കോടതി, ക്രിമിനൽ കോടതി, വാണിജ്യ കോടതി എന്നീ കോടതികളിലാണ് പരിശോധന നടത്തിയത്. കോടതി പ്രവർത്തനങ്ങൾ നിരീക്ഷിക്കുന്നതിനും ജുഡീഷ്യൽ സേവനങ്ങളുടെ വിലയിരുത്തലിന്റെയും ഭാഗമായിട്ടായിരുന്നു അദ്ദേഹത്തിന്റെ സന്ദർശനം. നിരവധി ഉപഭോക്താക്കളുമായി അദ്ദേഹം കൂടിക്കാഴ്ച്ച നടത്തി.
കോടതി നടപടിക്രമങ്ങൾ കൂടുതൽ കാര്യക്ഷമമാക്കുന്നതിന് വേണ്ട നടപടികൾ സ്വീകരിക്കുമെന്ന് മന്ത്രി ഉറപ്പ് നൽകി. അവകാശ സംരക്ഷണം, നീതിന്യായ സേവനങ്ങളുടെ വിശ്വാസ്യത, വ്യക്തമായ നടപടിക്രമങ്ങൾ, ഉയർന്ന നിലവാരമുള്ള ജുഡീഷ്യൽ പ്രവർത്തനങ്ങൾ, കൂടുതൽ പ്രവർത്തന കാര്യക്ഷമത എന്നിവ കൃത്യമായി നടപ്പാക്കണമെന്ന് കോടതി ജീവനക്കാരുമായി നടത്തിയ കൂടിക്കാഴ്ചയിൽ അദ്ദേഹം ഓർമപ്പെടുത്തി.
