റിയാദ്: സൗദിയിൽ ഒട്ടകത്തിന്റെ ആക്രമണത്തിൽ ഗുരുതരമായി പരിക്കേറ്റ് ചികിത്സയിൽ കഴിഞ്ഞിരുന്ന പ്രവാസി മരിച്ചു. തമിഴ്നാട് ഗൂഡല്ലൂർ സ്വദേശിയായ തങ്കദുരൈ രാമസാമിയാണ് മരിച്ചത്. 51 വയസായിരുന്നു. തങ്കദുരൈ വർഷങ്ങളായി ഹഫർ അൽ ബാത്തിന് സമീപമുള്ള മരുഭൂമിയിൽ ആട്ടിടയനായി ജോലി ചെയ്യുകയായിരുന്നു. ജോലിയിൽ ഏർപ്പെട്ടിരിക്കെ അപ്രതീക്ഷിതമായി അദ്ദേഹത്തെ ഒട്ടകം ആക്രമിക്കുകയായിരുന്നു.
തലയ്ക്ക് ഗുരുതരമായി പരിക്കേറ്റ ഉടൻ ആശുപത്രിയിൽ പ്രവേശിപ്പിച്ചു. തീവ്രപരിചരണ വിഭാഗത്തിൽ ചികിത്സയിൽ കഴിയവെ കഴിഞ്ഞ ദിവസം അദ്ദേഹം മരണപ്പെടുകയായിരുന്നു. ഇന്ത്യൻ എംബസിയുടെ സഹായത്തോടെ ഒഐസിസി പ്രവർത്തകർ നിയമനടപടികൽ പൂർത്തിയാക്കി.
