ബലി പെരുന്നാൾ അവധി; റിയാദ് മെട്രോ- റിയാദ് ബസ് പ്രവർത്തന സമയം പ്രഖ്യാപിച്ചു

റിയാദ്: ബലി പെരുന്നാൾ അവധിക്കാലത്തെ റിയാദ് മെട്രോ- റിയാദ് ബസ് പ്രവർത്തന സമയം പ്രഖ്യാപിച്ചു. മെയ് 26 മുതൽ മെയ് 30 വരെയുള്ള സമയക്രമമാണ് പ്രഖ്യാപിച്ചത്. ഈദ് സീസണിൽ ഗതാഗത സൗകര്യം വർധിപ്പിക്കാനാണ് പുതിയ സമയ ക്രമീകരണം. റിയാദ് മെട്രോ 11:00 AM – 12:00 AM, റിയാദ് ബസ് 5:00 AM – 12:00 AM, ബസ് ഓൺ ഡിമാൻഡ് 10:30 AM -12:00 AM എന്നിങ്ങനെയാണ് സമയക്രമമെന്ന് റിയാദ് പബ്ലിക് ട്രാൻസ്‌പോർട്ട് വ്യക്തമാക്കി.