റിയാദ്: സൗദിയിൽ ചൂട് കനക്കുന്നു. ബുധനാഴ്ച്ച സൗദിയിൽ ഏറ്റവും ഉയർന്ന താപനില രേഖപ്പെടുത്തിയത് അൽ അഹ്സയിലാണ്. 49°C ഇവിടെ രേഖപ്പെടുത്തിയ താപനിലയെന്ന് നാഷണൽ സെന്റർ ഫോർ മെറ്റീരിയോളജി അറിയിച്ചു.
അൽ ഖൈസുമയിൽ 48 ഡിഗ്രി സെൽഷ്യസും മദീന, ബുറൈദ, റഫ, വാദി അൽ ദവാസിർ എന്നിവിടങ്ങളിൽ 46 ഡിഗ്രി സെൽഷ്യസും രേഖപ്പെടുത്തി. റിയാദ്, അൽ ഉല, അറാർ എന്നിവിടങ്ങളിൽ 45°C ഉം ദമ്മാമിലും ഷാറൂറയിലും 44°C ഉം ആണ് രേഖപ്പെടുത്തിയ താപനില.
ഈ ആഴ്ച സൗദി അറേബ്യയുടെ ചില ഭാഗങ്ങളെ കടുത്ത ചൂട് ബാധിക്കുമെന്ന് നേരത്തെ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകിയിരുന്നു.
