റിയാദ്: രാജ്യത്തെ കടൽതീരങ്ങൾ സന്ദർശിക്കുന്നവർ സുരക്ഷാ മാർഗനിർദേശങ്ങൾ കർശനമായി പാലിക്കണമെന്ന് പൊതുജനങ്ങൾക്ക് നിർദ്ദേശം നൽകി സൗദി അറേബ്യ. ജനറൽ ഡയറക്ടറേറ്റ് ഓഫ് ബോർഡർ ഗാർഡ് ആണ് ഇതുസംബന്ധിച്ച നിർദ്ദേശം നൽകിയത്. അപകടകരവും നീന്താൻ അനുമതിയില്ലാത്തതുമായ മേഖലകളിൽ ഇറങ്ങരുതെന്നും കുട്ടികൾ കൂടെയുണ്ടെങ്കിൽ മുതിർന്നവരുടെ സാന്നിധ്യം ഉറപ്പാക്കണമെന്നും അധികൃതർ മുന്നറിയിപ്പ് നൽകി.
സുരക്ഷ ഉറപ്പാക്കുന്നതിനായി സാങ്കേതിക സൗകര്യങ്ങൾ പൂർണമായും സജ്ജമാക്കിയിട്ടുണ്ടെന്ന് ബോർഡർ ഗാർഡ് അറിയിച്ചു. തീരദേശങ്ങളിൽ മറൈൻ പട്രോളിങും ലൈഫ് ഗാർഡ്, സെർച്ച് ആന്റ് റെസ്ക്യൂ ടീമുകളുടെ സേവനവും ശക്തമാക്കിയതായും അധികൃതർ കൂട്ടിച്ചേർ,ത്തു.
