ജിദ്ദ: സൗദി അറേബ്യയിലെ വിവിധ പ്രദേശങ്ങളിൽ വ്യാഴാഴ്ച കനത്ത മഴയ്ക്കും പെട്ടെന്നുള്ള വെള്ളപ്പൊക്കത്തിനും സാധ്യതയുള്ളതിനാൽ മക്ക മേഖലയിലെ ചില ഭാഗങ്ങളിൽ റെഡ് അലേർട്ട് പ്രഖ്യാപിച്ചിട്ടുണ്ടെന്ന് നാഷണൽ സെന്റർ ഫോർ മെറ്റീരിയോളജി. മക്ക മേഖലയിലെ ബഹ്റയിൽ ഉച്ചയ്ക്ക് 2 മുതൽ രാത്രി 9 വരെ റെഡ് അലർട്ട് ബാധകമാണ്. ശക്തമായ കാറ്റ്, തിരശ്ചീന ദൃശ്യപരത പൂജ്യത്തോടടുത്ത്, ആലിപ്പഴം, വെള്ളപ്പൊക്കം, ഇടിമിന്നൽ എന്നിവ പ്രതീക്ഷിക്കുന്നു.
ജസാൻ, അസീർ, അൽ-ബഹ, മക്ക എന്നിവയുടെ ചില ഭാഗങ്ങളിൽ പെട്ടെന്നുള്ള വെള്ളപ്പൊക്കത്തിന് കാരണമാകുന്ന മിതമായതോ കനത്തതോ ആയ ഇടിമിന്നലോടുകൂടിയ മഴയും, ആലിപ്പഴ വർഷവും പൊടിയും മണലും ഇളക്കിവിടുന്ന സജീവമായ കാറ്റും ഉണ്ടാകുമെന്ന് പ്രതീക്ഷിക്കുന്നു. മദീന, ഹായിൽ, തബൂക്ക്, അൽ-ജൗഫ്, വടക്കൻ അതിർത്തികൾ, കിഴക്കൻ പ്രവിശ്യ എന്നിവിടങ്ങളിൽ നേരിയതോ മിതമായതോ ആയ മഴയ്ക്കും സാധ്യതയുണ്ട്. കിഴക്കൻ സൗദി അറേബ്യയുടെ തീരപ്രദേശങ്ങളിൽ മൂടൽമഞ്ഞ് രൂപപ്പെടാനിടയുണ്ടെന്നും കാലാവസ്ഥാ നിരീക്ഷണ കേന്ദ്രം വ്യക്തമാക്കി.
