റിയാദ്: ഇജിആർ വാൽവ് തകരാറിനെ തുടർന്ന് സൗദിയിൽ 3,108 ഫോർഡ്, ലിങ്കൺ വാഹനങ്ങൾ തിരിച്ചുവിളിച്ചു. വാണിജ്യ മന്ത്രാലയമാണ് വാഹനങ്ങൾ തിരിച്ചു വിളിച്ചത്.
എക്‌സ്‌ഹോസ്റ്റ് ഗ്യാസ് റീസർക്കുലേഷൻ (ഇജിആർ) വാൽവിലെ തകരാർ കാരണം 2025 മോഡൽ-ഇയർ 3,108 ഫോർഡ് എക്‌സ്‌പ്ലോറർ, ടോറസ്, ലിങ്കൺ നോട്ടിലസ്, കോർസെയർ വാഹനങ്ങൾ തിരിച്ചുവിളിക്കുമെന്ന് വാണിജ്യ മന്ത്രാലയം അറിയിച്ചു. ഈ തകരാർ ത്വരണം കുറയ്ക്കുന്നതിനും ഡ്രൈവിംഗ് പവർ നഷ്ടപ്പെടുന്നതിനും കാരണമാകും, ഇത് അപകട സാധ്യത വർദ്ധിപ്പിക്കുമെന്ന് മന്ത്രാലയം ചൂണ്ടിക്കാട്ടി.
ആവശ്യമായ അറ്റകുറ്റപ്പണികൾ സൗജന്യമായി നടത്തിത്തരുന്നതിന്, തകരാറിലായ വാഹന ഉടമകൾ പ്രാദേശിക ഡീലർമാരായ അൽ ജാസിറ വെഹിക്കിൾസ് ഏജൻസിസ് കമ്പനിയെ 8007492222 എന്ന ടോൾ ഫ്രീ നമ്പറിലോ മുഹമ്മദ് യൂസഫ് നാഗി മോട്ടോഴ്‌സ് കമ്പനിയെ 8001240218 എന്ന നമ്പറിലോ ബന്ധപ്പെടണമെന്ന് വാണിജ്യ മന്ത്രാലയം അഭ്യർത്ഥിച്ചു.
