റിയാദ്: സൗദിയിൽ 2,214 ബോസ് സ്പീക്കറുകൾ തിരിച്ചുവിളിച്ചു. ബാറ്ററി അമിതമായി ചൂടാകുന്നതും തീപിടുത്ത സാധ്യതയും ചൂണ്ടിക്കാട്ടിയാണ് സൗദി വാണിജ്യ മന്ത്രാലയത്തിന്റെ നടപടി. ഉപയോഗ സമയത്ത് ബാറ്ററികൾ അമിതമായി ചൂടാകാനുള്ള സാധ്യതയും അത് തീപിടുത്തത്തിന് കാരണമായേക്കാവുന്ന അപകടസാധ്യതയും കണക്കിലെടുത്താണ് വാണിജ്യ മന്ത്രാലയം 2,214 ബോസ് S1 Pro+, S1 Pro സ്പീക്കറുകൾ തിരിച്ചുവിളിച്ചത്.
ബാധിക്കപ്പെട്ട ഉൽപ്പന്നങ്ങളുടെ ഉപയോഗം ഉടൻ നിർത്തണമെന്നും ബാറ്ററി സൗജന്യമായി മാറ്റിസ്ഥാപിക്കുന്നതിന് ദാവ്ലിയ ഇലക്ട്രോണിക് അപ്ലയൻസസ് കമ്പനിയുമായി (01126669932) ബന്ധപ്പെടണമെന്നും മന്ത്രാലയം അഭ്യർത്ഥിച്ചു.
തിരിച്ചുവിളിക്കലിൽ തങ്ങളുടെ പ്രൊഡക്ട് ഉൾപ്പെടുത്തിയിട്ടുണ്ടോ എന്ന് Recalls.sa വഴി പരിശോധിക്കാൻ മന്ത്രാലയം ഉപഭോക്താക്കളോട് നിർദ്ദേശം നൽകി.









