മക്ക: സൗദി ലൈഫ് സേവിംഗ് ഫെഡറേഷൻ സൗദിയിൽ മുങ്ങിമരിക്കുന്ന കേസുകൾ കുറയ്ക്കുന്നതിന് രണ്ട് പദ്ധതികൾ അവതരിപ്പിച്ചു. പരിശീലനത്തിലും യോഗ്യതയിലും ശ്രദ്ധ കേന്ദ്രീകരിക്കുന്നതാണ് പരിപാടികളെന്ന് ഫെഡറേഷൻ മേധാവി അഹമ്മദ് അൽ ഷമാരി പറഞ്ഞു.
സ്ത്രീകൾക്കും പുരുഷന്മാർക്കുമായി ഫെഡറേഷൻ ആറ് ദിവസത്തെ 50 മണിക്കൂർ പരിശീലന പരിപാടി അവതരിപ്പിക്കുമെന്നും, അതിനുശേഷം പരിശീലനം നേടുന്നവർക്ക് ഒരു ഇന്റർനാഷണൽ റെസ്ക്യൂവർ സർട്ടിഫിക്കറ്റ് ലഭിക്കുമെന്നും അതിലൂടെ അവർക്ക് സൗദി അറേബ്യയിലും ഇന്റർനാഷണൽ ലൈഫ് സേവിംഗ് ഫെഡറേഷന്റെ എല്ലാ അംഗരാജ്യങ്ങളിലും ജോലി ചെയ്യാമെന്നും അദ്ദേഹം പറഞ്ഞു.
അന്താരാഷ്ട്ര കോഴ്‌സുകളിൽ യോഗ്യത നേടുന്ന സൗദികൾക്ക് ഫെഡറേഷന്റെ “rescuer” പ്ലാറ്റ്‌ഫോം വഴി സമർപ്പിക്കാൻ മറ്റൊരു പ്രോഗ്രാം അനുവദിക്കുമെന്നും അദ്ദേഹം കൂട്ടിച്ചേർത്തു.
