റിയാദ്: സൗദി അറേബ്യയിലേക്ക് വീണ്ടും ആക്രമണ ശ്രമം നടത്തി ഇറാൻ. പ്രിൻസ് സുൽത്താൻ എയർബേസ് ലക്ഷ്യമാക്കി തൊടുത്തുവിട്ട മിസൈലുകളും ഡ്രോണുകളും വിജയകരമായി പ്രതിരോധിച്ചതായി സൗദി അറേബ്യൻ പ്രതിരോധ മന്ത്രാലയം അറിയിച്ചു.
വെള്ളിയാഴ്ച പുലർച്ചെയാണ് ആക്രമണ ശ്രമമുണ്ടായത്. പ്രിൻസ് സുൽത്താൻ എയർബേസ് ലക്ഷ്യമാക്കി 3 ബാലിസ്റ്റിക് മിസൈലുകളും, അൽ-ഖർജ് ഗവർണറേറ്റിന് കിഴക്ക് ഭാഗത്ത് എത്തിയ ഒരു ക്രൂയിസ് മിസൈലും തകർത്തു. വർധിച്ചുവരുന്ന ഭീഷണികളെ നേരിടാൻ സൗദി വ്യോമസേന പൂർണ സജ്ജമാണെന്നും, രാജ്യത്തിന്റെ സുരക്ഷ ഉറപ്പാക്കാൻ നിരീക്ഷണം തുടരുന്നുണ്ടെന്നും പ്രതിരോധ മന്ത്രാലയ വക്താവ് ബ്രിഗേഡിയർ ജനറൽ തുർക്കി അൽ-മാലിക്കി വ്യക്തമാക്കി.
