ജിദ്ദ – കിംഗ് സൽമാൻ ഹ്യൂമാനിറ്റേറിയൻ എയ്ഡ് ആൻഡ് റിലീഫ് സെന്റർ (KSrelief) കപ്പൽ ജിദ്ദ ഇസ്ലാമിക് തുറമുഖത്ത് നിന്ന് ഈജിപ്തിലെ പോർട്ട് സെയ്ഡിലേയ്ക്കുള്ള സൗദി മാനുഷിക സാഹായത്തിന്റെ ഉദ്ഘാടന യാത്ര ആരംഭിച്ചു.
1,050 ടൺ ഭക്ഷണം, മെഡിക്കൽ സപ്ലൈസ്, പാർപ്പിട സൗകര്യങ്ങൾ എന്നിവ ഈ കപ്പലിൽ ഉൾകൊള്ളുന്നു. ഗാസയിലെ ഫലസ്തീൻ ജനതയെ സഹായിക്കാനുള്ള സൗദി ജനകീയ കാമ്പെയ്‌നിന്റെ ഭാഗമാണ് ഈ സഹായങ്ങൾ. സൗദി അറേബ്യ അതിന്റെ മാനുഷിക വിഭാഗമായ കിംഗ് സൽമാൻ ഹ്യുമാനിറ്റേറിയൻ എയ്ഡ് ആൻഡ് റിലീഫ് സെന്റർ (KSrelief) മുഖേന ഗാസയിലെ ഫലസ്തീൻ ജനതയെ സഹായിക്കാൻ നൽകുന്ന ദുരിതാശ്വാസ, മാനുഷിക ശ്രമങ്ങൾക്ക് അനുസൃതമായാണ് ഈ സംരംഭം.
സൗദി അറേബ്യ ഈജിപ്തിലെ എൽ അരിഷ് ഇന്റർനാഷണൽ എയർപോർട്ടിലേക്ക് 11 ദുരിതാശ്വാസ വിമാനങ്ങൾ ഇതുവരെ അയച്ചിട്ടുണ്ട്.
