എയർ ഇന്ത്യ എക്​സ്​പ്രസ്​ തിരുവന്തപുരത്ത് നിന്ന്​ റിയാദിലേക്ക് അടുത്ത മാസം 9 മുതൽ സർവീസ് ആരംഭിക്കുന്നു 

തിരുവനന്തപുരം​-റിയാദ്​ റൂട്ടിൽ പ്രവാസികൾ വർഷങ്ങളായി നേരിട്ടിരുന്ന യാത്രാദുരിതത്തിന്​ അറുതിയാവുന്നു. എയർ ഇന്ത്യ എക്​സ്​പ്രസ്​ തിരുവന്തപുരത്തുനിന്ന്​ റിയാദിലേക്കും തിരിച്ചും നേരിട്ടുള്ള സർവിസ് ആരംഭിക്കുന്നു. സെപ്റ്റംബർ ഒമ്പത്​ മുതലാണ്​ സർവിസിന്​ തുടക്കം. അന്ന്​ വൈകീട്ട് 5.55ന് തിരുവനന്തപുരത്ത് നിന്ന് പറന്നുയരുന്ന ഐ.എക്​സ്​ 522ാം നമ്പർ വിമാനം രാത്രി 10.40ന് റിയാദ് കിങ്​ ഖാലിദ് വിമാനത്താവളത്തിൽ ലാൻഡ് ചെയ്യും. അന്ന് രാത്രി 11.40ന് തിരിച്ചും പറക്കും. പിറ്റേന്ന്​ രാവിലെ 7.30ന് തിരുവനന്തപുരത്തെത്തും.