റിയാദ്: ആറു പേരുടെ വധശിക്ഷ നടപ്പിലാക്കി സൗദി അറേബ്യ. നജ്‌റാനിലാണ് സംഭവം. 4 സൗദി പൗരന്മാരുടെയും 2 യമൻ സ്വദേശികളുടെയും വധശിക്ഷയാണ് നടപ്പിലാക്കിയത്. മയക്കുമരുന്ന് കടത്തുമായി ബന്ധപ്പെട്ട് ശിക്ഷിക്കപ്പെട്ട പ്രതികളാണിവർ.
അതേസമയം, സൗദി അറേബ്യയുടെ വിവിധ പ്രദേശങ്ങളിൽ നിന്ന് കഴിഞ്ഞ ആഴ്ചയിൽ 21,370 അനധികൃത താമസക്കാരെ അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചിരുന്നു. ഒക്ടോബർ 24 നും 30 നും ഇടയിൽ ബന്ധപ്പെട്ട സർക്കാർ ഏജൻസികളുടെ സഹകരണത്തോടെ സുരക്ഷാ സേന നടത്തിയ സംയുക്ത ഫീൽഡ് സെക്യൂരിറ്റി കാമ്പെയ്നിനിടെയാണ് അറസ്റ്റ് ഉണ്ടായിരിക്കുന്നത്.
