റിയാദ് – സൗദി അറേബ്യയിലെ മിക്ക പ്രദേശങ്ങളിലും അടുത്ത ബുധനാഴ്ച വരെ ഇടിമിന്നലിനുള്ള സാധ്യതയുള്ളതിനാൽ എല്ലാവരും ജാഗ്രത പാലിക്കണമെന്ന് ജനറൽ ഡയറക്ടറേറ്റ് ഓഫ് സിവിൽ ഡിഫൻസ് അറിയിച്ചു. എല്ലാവരും സുരക്ഷിതമായ സ്ഥലങ്ങളിൽ താമസിക്കണമെന്നും വെള്ളപ്പൊക്കം ഉണ്ടാകുന്ന സ്ഥലങ്ങൾ, ജല ചതുപ്പുകൾ, താഴ്‌വരകൾ എന്നിവയിൽ നിന്ന് അകന്നു നിൽക്കണമെന്നും അപകട സ്ഥലങ്ങളായി കണക്കാക്കപ്പെടുന്നതിനാൽ അവയിൽ നീന്തരുതെന്നും സിവിൽ ഡിഫൻസ് വ്യക്തമാക്കിയിട്ടുണ്ട്.
കാലാവസ്ഥയെക്കുറിച്ചുള്ള എന്തെങ്കിലും അപ്‌ഡേറ്റുകൾ പിന്തുടരുന്നതിന്, വിവിധ മീഡിയ പ്ലാറ്റ്‌ഫോമുകളിലൂടെ പ്രഖ്യാപിച്ചിരിക്കുന്ന നിർദ്ദേശങ്ങൾ ആളുകൾ പാലിക്കേണ്ടതിന്റെ പ്രാധാന്യവും സിവിൽ ഡിഫൻസ് ചൂണ്ടിക്കാട്ടി.
