റിയാദ്: ലോകത്തിലെ ഏക ഡ്രാഗൺ ബോൾ തീം പാർക്ക് റിയാദിൽ ഉടൻ ആരംഭിക്കും. ഏഴ് തീം സോണുകളിലായി 30-ലധികം റൈഡുകളാണ് തീം പാർക്ക് ഒരുക്കുന്നത്. റിയാദിൽ നിന്ന് 40 മിനിറ്റ് മാത്രം അകലെ, ഖിദ്ദിയ സിറ്റിക്കുള്ളിൽ അര ദശലക്ഷം ചതുരശ്ര മീറ്ററിലധികം പ്രദേശത്താണ് ആനിമേഷൻ തീം പാർക്ക് വരുന്നത്.
ഇത് മുഴുവൻ ഡ്രാഗൺ ബോൾ സീരീസിലെ ഏറ്റവും അവിസ്മരണീയമായ കഥാ സന്ദർഭങ്ങളും നിമിഷങ്ങളും കഥാപാത്രങ്ങളും ഉൾക്കൊള്ളുന്നതാണ്. ഇതിഹാസമായ ഡ്രാഗൺ ബോളുകളിൽ നിന്ന് പ്രചോദനം ഉൾക്കൊണ്ട് ഏഴ് വ്യത്യസ്ത സോണുകളിലായി യഥാർത്ഥ സീരീസ് മുതൽ ഡ്രാഗൺ ബോൾ സൂപ്പർ വരെയുള്ള ഡ്രാഗൺ ബോളിൻ്റെ ഇതിഹാസ ലോകത്തേക്ക് സന്ദർശകരെ ഇത് കൊണ്ടുപോകും.
