റിയാദ്: പ്രവാസി മലയാളി സൗദി അറേബ്യയിൽ നിര്യാതനായി. കോട്ടയം ഈരാറ്റുപേട്ട സഫാ നഗർ വെള്ളൂപ്പറമ്പിൽ സുബൈറാണ് മരിച്ചത്. ഹൃദയാഘാതത്തെ തുടർന്നാണ് അന്ത്യം. അറാറിലെ സെൻട്രൽ ആശുപത്രിയിൽ വെച്ചാണ് മരണം സംഭവിച്ചത്.
നെഞ്ചുവേദനയെ തുടർന്ന് റഫയിലെ ജനറൽ ആശുപത്രിയിൽ പ്രവേശിപ്പിച്ച ശേഷം വിദഗ്ധ ചികിത്സക്കായി അറാറിലേക്ക് മാറ്റുകയായിരുന്നു. 30 വർഷത്തോളമായി റഫയിൽ ജോലി ചെയ്യുകയായിരുന്നു അദ്ദേഹം. മൃതദേഹം റഫയിൽ തന്നെ ഖബറടക്കും.
