റിയാദ് – സ്വകാര്യ മേഖലയിൽ ജോലി ചെയ്യുന്ന വിദേശ തൊഴിലാളികള്‍ക്ക് പ്രൊബേഷന്‍ കാലയളവിൽ ഓണ്‍ലൈന്‍ വഴി ഫൈനല്‍ എക്‌സിറ്റ് നല്‍കാന്‍ സാധിക്കുമെന്ന് സൗദി ജവാസാത്ത് ഡയറക്ടറേറ്റ് അറിയിച്ചു. ഇതിന് ജവാസാത്ത് ഡയറക്ടറേറ്റിനെ നേരിട്ട് സമീപിക്കേണ്ട ആവശ്യമില്ല. അബ്ശിര്‍ ബിസിനസ് പ്ലാറ്റ്‌ഫോം വഴി സ്വകാര്യ കമ്പനികള്‍ക്കും സ്ഥാപനങ്ങള്‍ക്കും തങ്ങളുടെ തൊഴിലാളികള്‍ക്ക് പ്രൊബേഷന്‍ കാലത്ത് എളുപ്പത്തില്‍ ഫൈനല്‍ എക്‌സിറ്റ് നല്‍കാന്‍ സാധിക്കുമെന്ന് ഡയറക്ടറേറ്റ് വ്യക്തമാക്കി. ഈ സേവനം സൗജന്യമാണ്. പ്രൊബേഷന്‍ കാലത്ത് വിദേശ തൊഴിലാളികള്‍ക്ക് ഓണ്‍ലൈന്‍ വഴി നല്‍കുന്ന ഫൈനല്‍ എക്‌സിറ്റ് പിന്നീട് റദ്ദാക്കാനോ ഇഖാമ ഇഷ്യു ചെയ്യാനോ സാധിക്കില്ലെന്നും ജവാസാത്ത് ഡയറക്ടറേറ്റ് കൂട്ടിച്ചേർത്തു.
സൗദിയിൽ വാഹനാപകടത്തിൽ പരിക്കേറ്റ മലയാളി നഴ്സ് അപകടനില തരണം ചെയ്തു
January 27, 2024
8:14 am
