റിയാദ്: സാംസ്കാരിക മന്ത്രാലയവുമായി സഹകരിച്ച് ആഭ്യന്തര മന്ത്രാലയം ഈ വർഷത്തെ റമദാൻ സീസണിനെ അനുസ്മരിപ്പിക്കുന്ന പ്രത്യേക പാസ്‌പോർട്ട് സ്റ്റാമ്പ് പുറത്തിറക്കി.
ജിദ്ദയിലെ കിംഗ് അബ്ദുൽ അസീസ് ഇൻ്റർനാഷണൽ എയർപോർട്ട്, റിയാദിലെ കിംഗ് ഖാലിദ് ഇൻ്റർനാഷണൽ എയർപോർട്ട്, ദമാമിലെ കിംഗ് ഫഹദ് ഇൻ്റർനാഷണൽ എയർപോർട്ട് എന്നിവിടങ്ങളിൽ മുസ്ലീം പുണ്യമാസത്തിലുടനീളം സ്റ്റാമ്പ് യാത്രക്കാർക്ക് ലഭ്യമാകും.
രാജ്യത്തിൻ്റെ ചരിത്രത്തിൽ നിന്ന് ഇന്നത്തെ നാഗരികതയിലേക്ക് എത്തിയ അഭിമാനവും ബഹുമാനവും പ്രകടിപ്പിക്കുന്നതിനൊപ്പം സാംസ്കാരികവും സാമൂഹികവും ധാർമ്മികവുമായ പൈതൃകത്തെക്കുറിച്ചുള്ള ധാരണ പ്രോത്സാഹിപ്പിക്കാനാണ് ഇത് ലക്ഷ്യമിടുന്നതെന്നും ആഭ്യന്തര മന്ത്രാലയം വ്യക്തമാക്കി.
