സിംഗപ്പൂർ – സൗദി അറേബ്യയുടെ പുതിയ എയർലൈനായ റിയാദ് എയർ, 2025 ആദ്യ പകുതിയോടെ വാണിജ്യാടിസ്ഥാനത്തിൽ പ്രവർത്തിക്കാൻ പദ്ധതിയിടുന്നതായി എയർലൈനിൻ്റെ ചീഫ് ഓപ്പറേറ്റിംഗ് ഓഫീസർ പീറ്റർ ബെല്ല്യൂ അറിയിച്ചു. സിംഗപ്പൂർ എയർഷോയ്‌ക്കിടെക്കിടെയാണ് അദ്ദേഹം ഇക്കാര്യം വ്യക്തമാക്കിയത്.
എയർലൈനിൻ്റെ പ്രധാന ഹബ് റിയാദിലെ കിംഗ് ഖാലിദ് ഇൻ്റർനാഷണൽ എയർപോർട്ടിലായിരിക്കും, കൂടാതെ മിഡിൽ ഈസ്റ്റിലെയും ലോകമെമ്പാടുമുള്ള ആറ് ഭൂഖണ്ഡങ്ങളിലെയും 100-ലധികം വ്യത്യസ്ത ലക്ഷ്യസ്ഥാനങ്ങളിലേക്ക് ആഭ്യന്തര, അന്തർദ്ദേശീയ ഷെഡ്യൂൾഡ് ഫ്ലൈറ്റുകൾ പ്രവർത്തിപ്പിക്കുമെന്നും അദ്ദേഹം വ്യക്തമാക്കി.
കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാനാണ് 2023 മാർച്ചിൽ രാജ്യത്തെ ഏറ്റവും പുതിയ ദേശീയ വിമാനക്കമ്പനിയായ റിയാദ് എയർ സ്ഥാപിക്കുന്നതായി ഔദ്യോഗികമായി പ്രഖ്യാപിച്ചത്. 39 ബോയിംഗ് 787-9 വിമാനങ്ങൾക്ക് 33 വിമാനങ്ങൾ കൂടി ഓപ്‌ഷനുകളോടെ എയർലൈൻ ഓർഡർ ചെയ്തിരുന്നു.
