റിയാദ് – പ്രിൻസ് സൗദ് അൽ-ഫൈസൽ ഇൻസ്റ്റിറ്റ്യൂട്ട് ഫോർ ഡിപ്ലോമാറ്റിക് സ്റ്റഡീസും ബ്രിട്ടീഷ് ഫോറിൻ, കോമൺവെൽത്ത് ആൻഡ് ഡെവലപ്‌മെൻ്റ് ഓഫീസും തമ്മിലുള്ള സഹകരണ പരിപാടിയിൽ സൗദി അറേബ്യയും ബ്രിട്ടനും ഒപ്പുവച്ചു. സൗദി വിദേശകാര്യ ഉപമന്ത്രി വലീദ് അൽ-ഖെരീജിയും ബ്രിട്ടീഷ് വിദേശകാര്യ വികസന മന്ത്രാലയത്തിലെ മിഡിൽ ഈസ്റ്റ്, നോർത്ത് ആഫ്രിക്ക, ദക്ഷിണേഷ്യ, ഐക്യരാഷ്ട്രസഭ എന്നിവയുടെ സഹമന്ത്രി ലോർഡ് താരിഖ് അഹ്മദും തമ്മിൽ നടത്തിയ വെർച്വൽ മീറ്റിംഗിലാണ് കരാർ ഒപ്പ് വച്ചത്.
വിവരങ്ങൾ, ഗവേഷണ പ്രവർത്തനങ്ങൾ, പരിശീലന പരിപാടികൾ എന്നിവയിൽ സഹകരണം സ്ഥാപിക്കുന്നതിനും ശക്തിപ്പെടുത്തുന്നതിനും ഈ സഹകരണം സഹായിക്കുമെന്ന് മന്ത്രിമാർ വ്യക്തമാക്കി. യോഗത്തിൽ യൂറോപ്യൻ രാജ്യങ്ങളുടെ സൗദി ജനറൽ അഡ്മിനിസ്ട്രേഷൻ ഡയറക്ടർ ജനറൽ സാദ് ബിൻ മൻസൂർ ബിൻ സാദ് രാജകുമാരൻ പങ്കെടുത്തു.
