റിയാദ്: ആഗോള കമ്പനികളുടെ പട്ടികയിൽ നിർണായക നേട്ടം കരസ്ഥമാക്കി സൗദി അരാംകോ. ലോകത്തെ ഏറ്റവും മൂല്യമുള്ള ആഗോള കമ്പനികളുടെ പട്ടികയിൽ ആദ്യ പത്തിലാണ് സൗദി ദേശീയ എണ്ണ കമ്പനിയായ സൗദി അരാംകോ ഇടം നേടിയിരിക്കുന്നത്. ഗ്ലോബൽ ഫിനാൻസ് മാസികയാണ് റിപ്പോർട്ട് തയ്യാറാക്കിയത്.
ആറാം സ്ഥാനമാണ് പട്ടികയിൽ സൗദി അരാംകോ കരസ്ഥമാക്കിയത്. അതേസമയം, പട്ടികയിൽ ഇടം നേടിയ ആദ്യ പത്ത് കമ്പനികളിൽ എട്ട് കമ്പനികളും യു എസ് ആസ്ഥാനമായിട്ടുള്ള കമ്പനികളാണ്. സൗദി അരാംകോയും തായ് വാൻ ആസ്ഥാനമായിട്ടുള്ള തായ് വാൻ സെമികണ്ടക്ടറുമാണ് പട്ടികയിൽ ഉൾപ്പെട്ട് മറ്റ് രണ്ട് കമ്പനികൾ.
ആപ്പിളാണ് പട്ടികയിൽ ഒന്നാം സ്ഥാനത്തുള്ളത്. 3387.2 മില്യൺ ഡോളറാണ് ആപ്പിളിന്റെ മൂല്യം. 3043.38 മില്യൺ ഡോളറുമായി മെക്രോസോഫ്റ്റ് രണ്ടാം സ്ഥാനത്തും ഐടി കമ്പനിയായ എൻവിട 2649.24 മില്യൺ ഡോളറുമായി മൂന്നാം സ്ഥാനത്തുമുണ്ട്. 1944.10 മില്യൺ ഡോളർ മൂല്യവുമായി അൽഫബറ്റ് ആണ് നാലാം സ്ഥാനത്തുള്ളത്. 1849.85 മില്യൺ ഡോളറുമായി ആമസോൺ അഞ്ചാം സ്ഥാനം നേടി.
