റിയാദ് – വിശുദ്ധ ഖുർആനിന്റെ പകർപ്പുകൾ കത്തിക്കാൻ തീവ്രവാദികൾക്ക് സ്വീഡിഷ് അധികാരികൾ നൽകിയ ഔദ്യോഗിക അനുമതിയെ അപലപിച്ച് സൗദി വിദേശകാര്യ മന്ത്രാലയം. നിരുത്തരവാദപരമായ പെരുമാറ്റവും ലോകമെമ്പാടുമുള്ള മുസ്ലിങ്ങളുടെ വികാരങ്ങളെ വ്രണപ്പെടുത്തുന്ന നിന്ദ്യമായ പ്രവൃത്തിയാണെന്നും മന്ത്രാലയം വ്യക്തമാക്കി.
റിയാദിലെ സ്വീഡൻ എംബസിയുടെ ചാർജ് ഡി അഫയേഴ്‌സിനെ വിളിച്ചുവരുത്തി പ്രതിഷേധ കുറിപ്പ് നൽകുമെന്ന് മന്ത്രാലയം അറിയിച്ചു, വിശ്വാസത്തിന്റെ പവിത്രത ലംഘിക്കുന്ന ഇത്തരം അപമാനകരമായ പ്രവൃത്തികൾ തടയാൻ സ്വീഡിഷ് അധികാരികൾ ഉടൻ നടപടിയെടുക്കണമെന്ന് സൗദി അറേബ്യ ആവശ്യപ്പെട്ടു. അന്താരാഷ്ട്ര നിയമങ്ങൾ, പ്രോട്ടോക്കോളുകൾ, കൂടാതെ ജനങ്ങൾക്കും മതങ്ങൾക്കും ഇടയിൽ വിദ്വേഷം ആളിക്കത്തിക്കുന്ന എല്ലാ പ്രവൃത്തികളെയും രാജ്യം പൂർണമായി നിരസിക്കുന്നതായും മന്ത്രാലയം കൂട്ടിച്ചേർത്തു.
