മക്ക – തീർഥാടകർക്ക് ഉംറ നിർവഹിക്കാൻ നിശ്ചിത തവണ നിശ്ചയിച്ചിട്ടില്ലെന്ന് ഹജ്ജ്, ഉംറ മന്ത്രാലയം അറിയിച്ചു. എന്നിരുന്നാലും, തീർത്ഥാടനം നടത്തുന്നതിന് നിശ്ചിത സമയത്തേക്ക് അപ്പോയിന്റ്മെന്റ് എടുക്കുന്നതിനുള്ള നിർദ്ദേശം പാലിക്കേണ്ടത് നിർബന്ധമാണെന്ന് മന്ത്രാലയം പറഞ്ഞു.
അതേസമയം സന്ദർശനം, ടൂറിസ്റ്റ്, തൊഴിൽ വിസ എന്നിവയിൽ രാജ്യത്ത് എത്തിയവർക്ക് ഉംറ നിർവഹിക്കാമെന്ന് മന്ത്രാലയം അറിയിച്ചു. തീർത്ഥാടകൻ രാജ്യത്തിൽ നിന്ന് പുറപ്പെടുന്ന സമയത്ത് തന്റെ വരവിനായി ഉപയോഗിച്ചിരുന്ന ഗതാഗത മാർഗ്ഗങ്ങളും മാറ്റാൻ കഴിയും.
ഉംറ വിസയുള്ളയാൾക്ക് മക്കയ്ക്കും മദീനയ്ക്കും ഇടയിലും രാജ്യത്തിന്റെ എല്ലാ നഗരങ്ങളിലും തങ്ങാൻ അനുവദനീയമായ കാലയളവിൽ യാത്ര ചെയ്യാമെന്ന് മന്ത്രാലയം ചൂണ്ടിക്കാട്ടി. ഉംറ തീർഥാടകർക്ക് സൗദി അറേബ്യയിലെ ഏതെങ്കിലും അന്താരാഷ്ട്ര അല്ലെങ്കിൽ പ്രാദേശിക വിമാനത്താവളത്തിൽ നിന്ന് സൗദിയിലേക്ക് പ്രവേശിക്കാനും പോകാനും കഴിയും.
