ഹജ്ജിനായി സൗദി അറേബ്യയിലേക്ക് യാത്ര ചെയ്യുന്ന തീർഥാടകർ നിർബന്ധമായും മെഡിക്കൽ പരിശോധനയ്ക്ക് വിധേയരാകണമെന്നും ആവശ്യപ്പെടുമ്പോൾ വാക്സിനേഷൻ തെളിവ് നൽകണമെന്നും ആരോഗ്യ മന്ത്രാലയം. ആരോഗ്യ മന്ത്രാലയവുമായി അഫിലിയേറ്റ് ചെയ്തിട്ടുള്ള പ്രാഥമികാരോഗ്യ സ്ഥാപനങ്ങൾ നിർബന്ധമായും വൈദ്യപരിശോധന നടത്തുകയും ആവശ്യമായ പ്രതിരോധ കുത്തിവയ്പ്പുകൾ നൽകുകയും വേണമെന്നും മന്ത്രാലയം അറിയിച്ചു.
മെനിഞ്ചൈറ്റിസ് വാക്സിൻ, ഇൻഫ്ലുവൻസ വാക്സിൻ, കോവിഡ് -19 വാക്സിൻ (ബൈവാലന്റ് തരം) എന്നിവയാണ് ഈ വർഷത്തെ ഹജ്ജ് കർമ്മം നടത്താൻ ഷെഡ്യൂൾ ചെയ്ത വാക്സിനേഷനുകളെന്ന് സൗദി അധികൃതർ വ്യക്തമാക്കി.
ഈ വർഷത്തെ ഹജ്ജ് കർമ്മങ്ങൾ നിർവഹിക്കാൻ ആഗ്രഹിക്കുന്ന പൗരന്മാരോടും താമസക്കാരോടും ആവശ്യമായ പ്രതിരോധ കുത്തിവയ്പ്പുകൾ എടുക്കേണ്ടതിന്റെ ആവശ്യകത മന്ത്രാലയം പറഞ്ഞു.
