റിയാദ്- റിയാദ് പ്രവിശ്യയില്‍ പൊടിക്കാറ്റിന് സാധ്യതയുളള സാഹചര്യത്തിൽ ഡ്രൈവര്‍മാര്‍ ജാഗ്രത പാലിക്കണമെന്ന് റോഡ് സുരക്ഷാവിഭാഗം ആവശ്യപ്പെട്ടു. അഫ്‌ലാജ്, അല്‍ഖര്‍ജ്, ദിലം, സുലൈല്‍, വാദി ദവാസിര്‍, ഹരീഖ്, ദര്‍ഇയ എന്നിവിടങ്ങളിലാണ് പൊടിക്കാറ്റിന് സാധ്യതയുള്ളത്.
ഏറ്റവും കുറവ് താപനില രേഖപ്പെടുത്തിയത് തുറൈഫിലാണ് . ഒരു ഡിഗ്രിയാണ് തുറൈഫിലെ താപനില. അറാര്‍ 2, മക്ക 30, മദീന 25, റിയാദ് 24, ജിദ്ദ 28 എന്നിങ്ങനെയാണ് മറ്റ് താപനിലകൾ. ഉത്തര അതിര്‍ത്തി, അല്‍ജൗഫ്, ഹായില്‍, ഖസീം, റിയാദിന്റെയും കിഴക്കന്‍ പ്രവിശ്യയുടെയും വടക്ക് ഭാഗങ്ങള്‍ എന്നിവിടങ്ങളില്‍ പൊടിക്കാറ്റിന് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.
