റിയാദ്: യുനെസ്‌കോയുടെ ലോക പൈതൃക കേന്ദ്രങ്ങളായ അത്-തുറൈഫും ദിരിയയിലെ ബുജൈരി ടെറസും സൗദി ടൂറിസം മന്ത്രി അഹമ്മദ് അൽ ഖത്തീബ് തിങ്കളാഴ്ച ഉദ്ഘാടനം ചെയ്തു.
22-ാമത് ഡബ്ല്യുടിടിസി ഗ്ലോബൽ സമ്മിറ്റിനായി റിയാദിൽ പങ്കെടുത്ത നിരവധി വേൾഡ് ട്രാവൽ ആൻഡ് ടൂറിസം കൗൺസിൽ പ്രതിനിധികൾക്കായി ഡിജിഡിഎ പ്രത്യേക ഗാല ഡിന്നർ സംഘടിപ്പിച്ചു.
റിയാദിൽ നവംബർ 28 മുതൽ ഡിസംബർ 1 വരെ കിംഗ് അബ്ദുൽ അസീസ് ഇന്റർനാഷണൽ കോൺഫറൻസ് സെന്ററിലാണ് ഉച്ചകോടി ആദ്യമായി നടക്കുന്നത്.
അത്-തുറൈഫ്, ബുജൈരി ടെറസ് ഓപ്പണിംഗ് ഗാല ഡിന്നറിൽ സൗദി ടൂറിസം മന്ത്രി അഹമ്മദ് അൽ ഖത്തീബ്, ഡബ്ല്യുടിടിസി ചെയർ അർനോൾഡ് ഡൊണാൾഡ്, ഡബ്ല്യുടിടിസി പ്രസിഡന്റും സിഇഒയുമായ ജൂലിയ സിംപ്സൺ, ഡിജിഡിഎയുടെ ഗ്രൂപ്പ് ചീഫ് എക്സിക്യൂട്ടീവ് ഓഫീസർ ജെറി ഇൻസെറില്ലോ എന്നിവരും മറ്റ് വ്യവസായ പ്രമുഖരും പങ്കെടുത്തു.
