മക്ക: മക്കയിൽ എത്തുന്ന തീർഥാടകർക്ക് 24 മണിക്കൂറും ആരോഗ്യ സംരക്ഷണം നൽകുന്നത് തുടരുന്നതായി ആരോഗ്യ മന്ത്രാലയം അറിയിച്ചു. ആഴ്ചയിൽ ഏഴ് ദിവസവും തീർഥാടകർക്കായി മൂന്ന് എമർജൻസി സെന്ററുകൾ ലഭ്യമാണെന്ന് മന്ത്രാലയത്തിലെ മക്ക ഹെൽത്ത് അഫയേഴ്‌സ് ഡയറക്ടറേറ്റ് ഡയറക്ടർ ഡോ. വെയ്ൽ മൊതൈർ വ്യക്തമാക്കി.
കിങ്‌ ഫഹദ് എക്സ്പാൻഷൻ ഏരിയയുടെ ഒന്നാം നിലയിലാണ് പള്ളിയുടെ എമർജൻസി സെന്റർ പ്രവർത്തിക്കുന്നത്. രണ്ടാമത്തേത് സൗദി പോർട്ടിക്കോയിലാണ്, മൂന്നാമത്തേത് അജ്യാദ് പാലത്തിന് സമീപമുള്ള ഒന്നാം നിലയിലാണ്. കിംഗ് അബ്ദുള്ള എക്സ്പാൻഷൻ ഏരിയയുടെ വടക്കേ മുറ്റത്താണ് അജ്യാദ് എമർജൻസി ഹോസ്പിറ്റലും മസ്ജിദിന്റെ ആശുപത്രിയും സ്ഥിതി ചെയ്യുന്നത്.
റമസാൻ മാസത്തിൽ ഗ്രാൻഡ് മോസ്‌കിലെയും പ്രവാചകന്റെ മസ്ജിദിലെയും ഹെൽത്ത് ജനറൽ അതോറിറ്റിയുടെ പങ്കിന്റെ ഭാഗമായി ആരോഗ്യ മന്ത്രാലയം തീർഥാടകർക്ക് പ്രാഥമിക പരിചരണം, ആരോഗ്യം, ബോധവൽക്കരണ സേവനങ്ങൾ എന്നിവ നൽകുന്നുണ്ടെന്ന് മൊതൈർ പറഞ്ഞു. മക്കയിൽ ആറ് ടീമുകളായി തിരിച്ച് ആംബുലേറ്ററി പരിചരണം നൽകുന്ന സവേദ് പദ്ധതിയിൽ ഈ വർഷം 170 സന്നദ്ധപ്രവർത്തകർ പങ്കെടുക്കുന്നുണ്ട്.
സവേദ് സന്നദ്ധപ്രവർത്തകർക്ക് മെഡിക്കൽ, ആംബുലേറ്ററി പായ്ക്കുകൾ വിതരണം ചെയ്യുന്നതിനായി മക്ക ഹെൽത്ത് അഫയേഴ്‌സ് രാജകുമാരി സീത ബിൻത് അബ്ദുൽ അസീസ് അൽ സൗദിന്റെ എൻഡോവ്‌മെന്റുമായി അടുത്തിടെ കരാർ ഒപ്പിട്ടതായി മൊതൈർ പറഞ്ഞു. ഇതിൽ 30 പായ്ക്കുകൾ റമദാനിനും ഹജ്ജിനുമായി മക്ക ഹെൽത്ത് അഫയേഴ്സിന് നൽകിയിട്ടുണ്ടെന്ന് എൻഡോവ്‌മെന്റു സെക്രട്ടറി ജനറൽ ഖാലിദ് സഹ്‌റാൻ പറഞ്ഞു.
