ഡിജിറ്റൽ സമ്പദ് വ്യവസ്ഥ ശക്തിപ്പെടുത്തൽ; എഐ ഗ്ലോബൽ പാർട്ണർഷിപ്പിൽ അംഗമായി സൗദി അറേബ്യ

റിയാദ്: ഗ്ലോബൽ പാർട്ണർഷിപ് ഓൺ ആർട്ടിഫിഷ്യൽ ഇന്റലിജൻസിൽ അംഗമായി സൗദി അറേബ്യ. ന്യൂഡൽഹിയിൽ നടന്ന എഐ ഇംപാക്ട് ഉച്ചകോടിയിലായിരുന്നു ഇതുസംബന്ധിച്ച പ്രഖ്യാപനം നടന്നത്. ഇതോടെ കൂട്ടായ്മയിൽ ചേരുന്ന ആദ്യ അറബ് രാജ്യമായി സൗദി അറേബ്യ മാറി. സാങ്കേതിക വിദ്യ പ്രാദേശികവൽക്കരിക്കാനും ഡിജിറ്റൽ സമ്പദ് വ്യവസ്ഥ ശക്തിപ്പെടുത്താനുമുള്ള നീക്കത്തിന്റെ ഭാഗമായാണ് നടപടിയെന്ന് ബന്ധപ്പെട്ട വൃത്തങ്ങൾ വ്യക്തമാക്കി.