ദമ്മാം: സൗദിയിൽ ഹൃദയാഘാതത്തെ തുടർന്ന് പ്രവാസി മലയാളി മരിച്ചു. പാലക്കാട് ചിറ്റൂർ സ്വദേശി സുരേന്ദ്രൻ മുരുകൻ ആണ് മരിച്ചത്. 61 വയസായിരുന്നു. ദമ്മാമിലെ ബാദിയയിലാണ് സംഭവം. രാത്രി ഉറങ്ങാൻ കിടന്ന മുരുകന് ദേഹാസ്വസ്ഥ്യം അനുഭവപ്പെടുകയും കുഴഞ്ഞ് വീഴുകയുമയായിരുന്നു.
സുരേന്ദ്രൻ നാൽപത് വർഷത്തിലേറെയായി ദമ്മാമിൽ വാഹന റിപ്പയറിംഗ് വർക് ഷോപ്പ് നടത്തി വരികയാണ്. ഭാര്യയും മകനുമടങ്ങുന്ന കുടുംബം അദ്ദേഹത്തോടൊപ്പം സൗദിയിലുണ്ട്. നിയമ നടപടികൾ പൂർത്തിയാക്കി മൃതദേഹം നാട്ടിലേക്ക് കൊണ്ട് പോകുമെന്ന് ബന്ധുക്കൾ അറിയിച്ചു.
