റിയാദ്: സൗദി അറേബ്യയിൽ അടുത്ത ഉംറ സീസണിലേക്ക് ഏജന്റുമാർക്ക് യോഗ്യത നേടാനും കരാർ അന്തിമമാക്കാനുമുള്ള സേവനം ആരംഭിച്ചു. സൗദി ഹജ്ജ്, ഉംറ മന്ത്രാലയമാണ് ഇതുസംബന്ധിച്ച നടപടികൾ നടപ്പിലാക്കുക. സേവനം ലഭിക്കുക മസാർ നുസുക് പ്ലാറ്റ്ഫോം വഴിയാണ്. സൗദി ഉംറ കമ്പനികൾക്ക് ആഭ്യന്തര സേവന ദാതാക്കളുമായി കരാർ ചെയ്യാനുള്ള സേവനവും നുസുക് വഴി ആരംഭിക്കുമെന്ന് മന്ത്രാലയം അറിയിച്ചു.
താമസം, ഗതാഗതം, കാറ്ററിംഗ്, മൂല്യവർധിത സേവനങ്ങൾ, പാക്കേജുകളുടെയും പ്രോഗ്രാമുകളുടെയും രൂപകൽപ്പന എന്നിവയാണ് ഇതിൽ ഉൾപ്പെടുക. മെയ് 31 ന് അഥവാ ദുൽ-ഹിജ്ജ 14 ന് വിസ അപേക്ഷാ സമർപ്പണവും പ്രോസസ്സിങ്ങും ആരംഭിക്കുന്നതിന് മുന്നോടിയായാണിത്. ദുൽ-ഹിജ്ജ 15 ന് നുസുക് ആപ്പ് വഴിയുള്ള ഉംറ പെർമിറ്റ് വിതരണം ആരംഭിക്കും.
