റിയാദ്: രാജ്യത്തെ നാലിടങ്ങളിൽ ശക്തമായ കാറ്റിന് സാധ്യതയുണ്ടെന്ന് മുന്നറിയിപ്പ് നൽകി സൗദി അറേബ്യ. ജിസാൻ, അസീർ, അൽബാഹ, മക്ക പ്രവിശ്യകളിലെ ഉയർന്ന പ്രദേശങ്ങളുടെ ചില ഭാഗങ്ങളിലാണ് ശക്തമായ കാറ്റ് വീശുകയെന്നാണ് കാലാവസ്ഥാ പ്രവചനം.
മക്ക, മദീന, ഹാഇൽ, ഖസീം, റിയാദ്, കിഴക്കൻ, വടക്കൻ അതിർത്തികൾ, അൽജൗഫ്, തബൂക്ക് പ്രവിശ്യകളുടെ ചില ഭാഗങ്ങളിൽ പൊടിക്കാറ്റ് വീശുമെന്നും അധികൃതർ മുന്നറിയിപ്പ് നൽകി. കിഴക്കൻ പ്രവിശ്യയിലെ ചില ഭാഗങ്ങളിൽ താപനില ഉയരുമെന്നും കാലാവസ്ഥാ നിരീക്ഷണ കേന്ദ്രം കൂട്ടിച്ചേർത്തു.
