റിയാദ്: സൗദിയിൽ 84,000-ത്തിലധികം ടൊയോട്ട കാമ്രി വാഹനങ്ങൾ തിരിച്ചുവിളിച്ചു. ഇൻസ്ട്രുമെന്റ് പാനലിലെ തകരാറിനെ തുടർന്നാണ് സൗദി വാണിജ്യ മന്ത്രാലയം വാഹനങ്ങൾ തിരിച്ചുവിളിച്ചത്. ഇൻസ്ട്രുമെന്റ് പാനൽ സിസ്റ്റത്തിലെ തകരാർ ഇഗ്നിഷൻ സ്വിച്ച്, സീറ്റ് ബെൽറ്റുകൾ എന്നിവയുമായി ബന്ധപ്പെട്ട ടേൺ സിഗ്നലുകൾ, മുന്നറിയിപ്പ് ലൈറ്റുകൾ, കേൾക്കാവുന്ന അലേർട്ടുകൾ എന്നിവ പ്രവർത്തനരഹിതമാക്കുകയും അപകട സാധ്യത വർദ്ധിപ്പിക്കുകയും ചെയ്യും.
2025 -2026 മോഡൽ വർഷങ്ങളിലെ 84,639 ടൊയോട്ട കാമ്രി വാഹനങ്ങളെയാണ് തിരിച്ചുവിളിക്കുന്നത്. Recalls.sa വഴി വാഹന തിരിച്ചറിയൽ നമ്പർ പരിശോധിച്ച് വാഹനങ്ങൾ തിരിച്ചുവിളിക്കലിൽ ഉൾപ്പെട്ടിട്ടുണ്ടോ എന്ന് പരിശോധിക്കാൻ മന്ത്രാലയം ഉടമകളോട് അഭ്യർത്ഥിച്ചു.
ആവശ്യമായ സോഫ്റ്റ്വെയർ പ്രോഗ്രാമിംഗ് സൗജന്യമായി നടത്തുന്നതിന് അബ്ദുൾ ലത്തീഫ് ജമീൽ കമ്പനിയെ 8004400055 എന്ന നമ്പറിൽ ബന്ധപ്പെടാനും മന്ത്രാലയം കൂട്ടിച്ചേർത്തു.
