റിയാദ്: 2987 ഗ്രാൻഡ് ചെറോക്കി വാഹനങ്ങൾ സൗദി വിപണിയിൽ നിന്ന് തിരിച്ചു വിളിച്ചു. ഒക്യുപന്റ് പ്രൊട്ടക്ഷൻ കൺട്രോൾ (ORC) യൂണിറ്റിലെ പ്രോഗ്രാമിംഗ് പിഴവ് കാരണം 2023, 2024 മോഡൽ വർഷങ്ങളിലുള്ള 2,987 ഗ്രാൻഡ് ചെറോക്കി വാഹനങ്ങൾ തിരിച്ചുവിളിക്കുമെന്ന് വാണിജ്യ മന്ത്രാലയം പ്രഖ്യാപിച്ചു. അപകടമുണ്ടായാൽ സൈഡ് എയർബാഗുകൾ സജീവമാക്കുന്നത് ഈ തകരാർ വൈകിപ്പിച്ചേക്കാം. ഇത് പരിക്കിന്റെ സാധ്യത വർദ്ധിപ്പിക്കുമെന്ന് അധികൃതർ ചൂണ്ടിക്കാട്ടി.
തകരാറുള്ള വാഹന ഉടമകൾ ആവശ്യമായ അപ്‌ഡേറ്റുകൾ സൗജന്യമായി ചെയ്യുന്നതിന് പ്രാദേശിക ഡീലറായ പെട്രോമിൻ സ്റ്റെല്ലാന്റിസിനെ ടോൾ ഫ്രീ നമ്പറിൽ (8003030040) ബന്ധപ്പെടണമെന്ന് മന്ത്രാലയം അഭ്യർത്ഥിച്ചു.
ഡിഫെക്റ്റീവ് പ്രോഡക്റ്റ്സ് റീകോൾ സെന്റർ വെബ്‌സൈറ്റ് (http://Recalls.sa) വഴി ഉടമകൾക്ക് തങ്ങളുടെ വാഹനത്തിന്റെ ഷാസി നമ്പർ തിരിച്ചുവിളിക്കൽ കാമ്പെയ്‌നിൽ ഉൾപ്പെടുത്തിയിട്ടുണ്ടോ എന്ന് പരിശോധിക്കാം.
