റിയാദ്: പെട്രോളിയം, പെട്രോകെമിക്കൽ ഉൽപന്നങ്ങളുമായി ബന്ധപ്പെട്ട് കർശന നിയന്ത്രണങ്ങളുമായി സൗദി ഊർജ കാര്യമന്ത്രാലയം. ഔദ്യോഗിക ലൈസൻസില്ലാതെ ഈ മേഖലയിൽ യാതൊരുവിധ പ്രവർത്തനങ്ങളും നടത്താൻ പാടില്ലെന്ന് മന്ത്രാലയം വ്യക്തമാക്കി. പെട്രോളിയം ഉൽപ്പന്നങ്ങളുടെ വാങ്ങലും വിൽക്കലും, ഗതാഗതം, സംഭരണം, ഇറക്കുമതി, കയറ്റുമതി, പാക്കേജിംഗ്, പ്രോസസ്സിങ് തുടങ്ങി എല്ലാ പ്രവർത്തനങ്ങൾക്കും മന്ത്രാലയത്തിന്റെ മുൻകൂർ അനുമതി ആവശ്യമാണ്.
പെട്രോളിയം ഉൽപ്പന്നങ്ങളുടെ വിതരണത്തിലുള്ള സുരക്ഷയും വിശ്വാസ്യതയും വർദ്ധിപ്പിക്കുക, നിയമവിരുദ്ധമായ പ്രവർത്തനങ്ങൾ തടയുക, നിരീക്ഷണം ശക്തമാക്കുക തുടങ്ങിയ ലക്ഷ്യത്തോടെയാണ് നടപടി.
