അന്തരീക്ഷത്തിൽ നിന്ന് കാർബൺ വേർതിരിച്ചെടുക്കാനുള്ള പുതിയ പദ്ധതി; സ്വിസ് കമ്പനിയുമായി ധാരണയിലെത്തി സൗദി

റിയാദ്: അന്തരീക്ഷത്തിൽ നിന്ന് കാർബൺ വേർതിരിച്ചെടുക്കാനുള്ള പുതിയ പദ്ധതിയിൽ സ്വിസ് കമ്പനിയുമായി ധാരണയിലെത്തി സൗദി അറേബ്യ. റോയൽ കമ്മീഷൻ ഫോർ ജുബൈൽ ആന്റ് യാമ്പൂവുമായാണ് സ്വിസ് കമ്പനി ക്ലൈംവർക്ക്‌സ് ധാരണയായത്. അന്തരീക്ഷത്തിലെ കാർബൺ ഡൈ ഓക്‌സൈഡ് നേരിട്ട് വലിച്ചെടുക്കുന്ന സാങ്കേതികവിദ്യയുടെ സാധ്യതകൾ പഠിക്കുകയും അത് പ്രായോഗികമായി നടപ്പിലാക്കുകയുമാണ് ഈ സഹകരണത്തിലൂടെ ലക്ഷ്യമിടുന്നത്.