ജിദ്ദ: സൗദിയിൽ വാഹനാപകടത്തിൽ പ്രവാസി മലയാളി യുവാവ് മരിച്ചു. ആലപ്പുഴ സ്വദേശിയായ മോനിഷാണ് മരിച്ചത്. നാട്ടിൽ നിന്നെത്തിയ മലയാളിയെ കൂട്ടി ജിദ്ദയിൽ നിന്നും മടങ്ങുന്നതിനിടെയാണ് അപകടം ഉണ്ടായത്. സൗദിയിലെ ത്വാഇഫിലാണ് വാഹനാപകടം നടന്നത്. നാട്ടിൽ നിന്നെത്തിയ വയനാട് സ്വദേശിയായ മുസ്തഫ പരിക്കുകളോടെ ചികിത്സയിൽ കഴിയുകയാണ്. ഇവരുടെ വാഹനത്തിന് പിറകിൽ ബംഗ്ലാദേശ് സ്വദേശിയുടെ കാർ വന്ന് ഇടിക്കുകയായിരുന്നു.
വയനാട് സ്വദേശിയായ മുസ്തഫയെ റൂമിലേക്ക് എത്തിക്കാൻ വന്നതായിരുന്നു ആലപ്പുഴ രാമങ്കരി സ്വദേശി പുത്തൻപറമ്പിൽ ചിറ വീട്ടിൽ മോനിഷ് മോഹനൻ. ത്വാഇഫിലേക്ക് എത്താനിരിക്കെ മത്റക്കകും ഉശൈറക്കും ഇടയിലാണ് അപകടമുണ്ടായത്. സംഭവ സ്ഥലത്ത് വെച്ച് തന്നെ മോനിഷ് മരണപ്പെട്ടു.
