മക്ക: മക്കയിലേക്ക് അനധികൃതമായി പ്രവേശിക്കാൻ ശ്രമിച്ച ആറ് പ്രവാസികൾ സൗദിയിൽ പിടിയിൽ. പാകിസ്ഥാൻ സ്വദേശികളാണ് പിടിയിലായത്. ആവശ്യമായ നിയമ നടപടികൾ സ്വീകരിച്ച ശേഷം ഇവരെ പബ്ലിക് പ്രോസിക്യൂഷന് കൈമാറി.
2026 ലെ ഹജ്ജ് സീസണിനായുള്ള ഹജ്ജ് ചട്ടങ്ങളും മാർഗ്ഗനിർദ്ദേശങ്ങളും പാലിക്കണമെന്നും തീർത്ഥാടകരുടെ സംരക്ഷണവും സുരക്ഷയും ഉറപ്പാക്കാൻ ബന്ധപ്പെട്ട അധികാരികളുമായി സഹകരിക്കണമെന്നും ജനറൽ ഡയറക്ടറേറ്റ് ഓഫ് പബ്ലിക് സെക്യൂരിറ്റി ജനങ്ങളോട് അഭ്യർത്ഥിച്ചു. നിയമലംഘകർക്ക് ശക്തമായ പിഴ ഉൾപ്പെടെയുള്ള നടപടികൽ നേരിടേണ്ടി വരുമെന്ന് അധികൃതർ മുന്നറിയിപ്പ് നൽകി. നിയമലംഘനം ശ്രദ്ധയിൽപ്പെട്ടാൽ മക്ക, റിയാദ്, മദീന മേഖലകളിലുള്ളവർ 911 എന്ന നമ്പറിൽ വിളിച്ച് റിപ്പോർട്ട് ചെയ്യണമെന്ന് അധികൃതർ നിർദ്ദേശം നൽകി.
