റിയാദ്: അന്താരാഷ്ട്ര നഗര ആസൂത്രണ പദ്ധതിയുടെ ഭാഗമായി സൗദി കിഴക്കൻ പ്രവിശ്യയിലെ നഗരങ്ങൾ. ഐക്യരാഷ്ട്ര സഭയുടെ ഹ്യൂമൻ സെറ്റിൽമെന്റ്സ് പ്രോഗ്രാമുമായി സഹകരിച്ചാണ് പദ്ധതി നടപ്പിലാക്കുന്നത്. യുഎന്നിന്റെ നൂതന ഒമ്പതിന ചട്ടങ്ങൾ പാലിച്ച് ലോക നഗരങ്ങൾക്കിടയിൽ സ്ഥാനം പിടിക്കുന്നതിന്റെ ഭാഗമായാണ് നീക്കം. നഗരത്തിലെ ജനങ്ങളുടെ ജീവിതനിലവാരം ഉയർത്തുന്നതിനും, മികച്ച നഗരാസൂത്രണം നടപ്പിലാക്കുന്നതിനും ലക്ഷ്യമിട്ടാണ് പദ്ധതി.
പദ്ധതിയുടെ ഭാഗമാക്കുക കിഴക്കൻ സൗദിയിലെ നഗരങ്ങളായ ദമ്മാം, അൽകോബാർ, ദഹ്റാൻ നഗരങ്ങളെയാണ്. പരിസ്ഥിതി, മൊബിലിറ്റി, പാർപ്പിടം, ആരോഗ്യം, സേവനങ്ങൾ, ഭരണം എന്നിവ ഉൾക്കൊള്ളുന്ന 43 ഉപ സൂചകങ്ങളും പദ്ധതിയുടെ പൂർത്തീകരണത്തിന്റെ ഭാഗമാകും.
