ഖുലൈസ്- യാംബുവില്‍നിന്ന് മക്കയിലേക്ക് ഉംറ നിര്‍വഹിക്കാനായി സഞ്ചരിച്ച മലയാളി സംഘം അപകടത്തില്‍പെട്ടു. അപകടത്തിൽ മൂന്ന് പേര്‍ക്ക് പരിക്കേറ്റതായി അധികൃതർ അറിയിച്ചു. ഗുരുതരമായി പരിക്കേറ്റ ഒരാളെ ഖുലൈസില്‍ നിന്ന് ജിദ്ദ ഒബ്ഹൂര്‍ ഹോസ്പിറ്റലിൽ പ്രവേശിപ്പിച്ചു. മലയാളികള്‍ സഞ്ചരിച്ച കാറിനു പിന്നില്‍ പിക്കപ്പ് ഇടിച്ചാണ് അപകടം സംഭവിച്ചത്.
തൂവലിനു സമീപം വൈകിട്ട് ആറു മണിയോടെയായിരുന്നു അപകടം ഉണ്ടായത്. കാറില്‍ അഞ്ചുപേരാണ് ഉണ്ടായിരുന്നത്. രണ്ട് പേര്‍ക്ക് നിസ്സാര പരിക്കേയുള്ളൂ. രണ്ട് പേര്‍ പരിക്കില്ലാതെ രക്ഷപ്പെട്ടു. ഗുരുതരമായി പരിക്കേറ്റ ഇസ്മായിലിനെ അബോധാവസ്ഥയിലാണ് ആശുപത്രിയിലേക്ക് മാറ്റിയത്.
