റിയാദ് – മേഖലയിൽ അതീവ രോഗകാരിയായ പക്ഷിപ്പനി പടർന്നുപിടിച്ച സാഹചര്യത്തിൽ അർജന്റീനയിലെ ബ്യൂണസ് ഐറിസിൽ നിന്ന് കോഴിയിറച്ചി, മുട്ട, അനുബന്ധ ഉൽപ്പന്നങ്ങൾ എന്നിവയുടെ ഇറക്കുമതിക്ക് സൗദി ഫുഡ് ആൻഡ് ഡ്രഗ് അതോറിറ്റി (എസ്എഫ്ഡിഎ) താൽക്കാലിക വിലക്ക് ഏർപ്പെടുത്തി.
അതിനിടെ, ഫ്രഞ്ച് മേഖലയായ മെയ്നിൽ നിന്ന് കോഴിയിറച്ചി ഉൽപന്നങ്ങൾ ഇറക്കുമതി ചെയ്യുന്നതിനുള്ള താൽക്കാലിക വിലക്ക് നീക്കാൻ തീരുമാനിച്ചതായി അതോറിറ്റി അറിയിച്ചു.
മെയിൻ മേഖലയിൽ അതീവ രോഗകാരിയായ ഏവിയൻ ഇൻഫ്ലുവൻസ നിയന്ത്രണ വിധേയമായതായി വേൾഡ് ഓർഗനൈസേഷൻ ഫോർ അനിമൽ ഹെൽത്ത് നൽകിയ റിപ്പോർട്ടിന്റെ അടിസ്ഥാനത്തിലാണ് ഈ തീരുമാനം.