ഈന്തപ്പഴ ക​യ​റ്റു​മ​തി​യി​ൽ സൗദി മുന്നേറ്റം തുടരുന്നു

ഈന്തപ്പഴ ക​യ​റ്റു​മ​തി​യി​ൽ സൗദി അറേബ്യയുടെ മുന്നേറ്റം തുടരുന്നു. നാ​ഷ​ന​ൽ സെൻറ​ർ ഫോ​ർ പാം​സ് ആ​ൻ​ഡ്​ ഡേ​റ്റ്സ് പു​റ​ത്തു​വി​ട്ട സ്ഥി​തി​വി​വ​ര റി​പ്പോ​ർ​ട്ട്​ പ്ര​കാ​രം വ​ലി​യ മു​ന്നേ​റ്റ​മാ​ണ്​ സ​മീ​പ​കാ​ല​ത്താ​യി സൗദി നേടിയിരിക്കുന്നത്. അ​ൽ ഖ​സീം പ്ര​വി​ശ്യ​യി​ൽ​നി​ന്ന് മാ​ത്രം പ്ര​തി​വ​ർ​ഷം ഉ​ൽ​പാ​ദി​പ്പി​ക്കു​ന്ന​ത്​ 3,90,000 ട​ണ്ണി​ല​ധി​കം ഈന്തപ്പഴ​ങ്ങ​ളാ​ണ്. പ്ര​വി​ശ്യ ആ​സ്ഥാ​ന​മാ​യ ബു​റൈ​ദ​യി​ൽ​നി​ന്ന് ക​യ​റ്റി​യ​യ​ക്ക​പ്പെ​ടു​ന്ന​ത്​ നൂ​റി​ല​ധി​കം രാ​ജ്യ​ങ്ങ​ളി​ലേ​ക്കാ​ണ്.

ബു​റൈ​ദ​യി​ൽ​നി​ന്ന്​ ഈന്തപ്പഴ പാ​ക്ക് ചെ​യ്‌​ത് സൗ​ദി​യി​ലെ മ​റ്റ്​ ന​ഗ​ര​ങ്ങ​ളി​ലേ​ക്കും വ​ട​ക്കേ അ​മേ​രി​ക്ക, യൂ​റോ​പ്പ്, കി​ഴ​ക്ക​നേ​ഷ്യ, മ​റ്റ്​ ഗ​ൾ​ഫ് രാ​ജ്യ​ങ്ങ​ൾ തു​ട​ങ്ങി നൂ​റി​ല​ധി​കം രാ​ജ്യ​ങ്ങ​ളി​ലേ​ക്ക് ക​യ​റ്റു​മ​തി ചെ​യ്യു​ന്നു. പ്ര​തി​ദി​നം ട​ൺ ക​ണ​ക്കി​ന് ഈന്തപ്പഴം നി​റ​ച്ച ആ​യി​ര​ത്തി​ല​ധി​കം വാ​ഹ​ന​ങ്ങ​ളാ​ണ് ബു​റൈ​ദ​യി​ൽ​നി​ന്ന് പു​റ​പ്പെ​ടു​ന്ന​ത്. എ​ല്ലാ​വ​ർ​ഷ​വും ബു​റൈ​ദ പ​ട്ട​ണം ആ​തി​ഥേ​യ​ത്വം വ​ഹി​ക്കു​ന്ന ഈന്തപ്പഴ ഉ​ത്സ​വം മേ​ഖ​ല​യി​ലെ ഏ​റ്റ​വും വ​ലി​യ വി​പ​ണ​ന​മേ​ള​യാ​ണ്.