റിയാദ്: ആഭ്യന്തര സഹകരണത്തിലൂടെ നിക്ഷേപ അവസരങ്ങൾ വർധിപ്പിക്കുന്നതിന്റെ ഭാഗമായി ഇൻ്റർസിറ്റി ഹൈവേകളിൽ ഔട്ട്‌ഡോർ പരസ്യ പദ്ധതി ആരംഭിക്കുമെന്ന് സൗദി ജനറൽ അതോറിറ്റി ഫോർ റോഡ്‌സ് പ്രഖ്യാപിച്ചു.
റോഡ് ഉപയോക്താക്കളുടെ അനുഭവം മെച്ചപ്പെടുത്തുന്നതിനൊപ്പം നിക്ഷേപകരെയും കമ്പനികളെയും ആകർഷിക്കുന്നതിനുള്ള അതോറിറ്റിയുടെ തന്ത്രത്തിൻ്റെ ഭാഗമാണ് ഈ സംരംഭം.
ഈ പ്രോജക്‌റ്റിനായുള്ള ഓഫറുകൾ മെയ് 6-നകം സമർപ്പിക്കണം. അപേക്ഷകളുടെ മൂല്യനിർണയം അടുത്ത ദിവസം രാവിലെ 10 മണിക്ക് ആരംഭിക്കും. താമസക്കാർക്കും സന്ദർശകർക്കും വേണ്ടിയുള്ള അടിസ്ഥാന സൗകര്യങ്ങളും സേവനങ്ങളും മെച്ചപ്പെടുത്തുന്നതിനുള്ള അതോറിറ്റിയുടെ പ്രതിബദ്ധത ഈ പദ്ധതി എടുത്തുകാണിക്കുന്നു.
